منتدى حسيني @ السلام عليك يا ابا عبد الله الحسين @ منتدى حسيني


    أبوذيات حسينية للشاعر جابر الكاظمي

    شاطر
    avatar
    خادم اهل البيت
    Admin

    عدد المساهمات : 52
    تاريخ التسجيل : 03/02/2011
    العمر : 34

    أبوذيات حسينية للشاعر جابر الكاظمي

    مُساهمة  خادم اهل البيت في الجمعة فبراير 11, 2011 1:39 pm

    [ندعوك للتسجيل في المنتدى أو التعريف بنفسك لمعاينة هذه الصورة]



    العـــلـه عــاف العله شانه ورحلك

    وزمانك ما صـــفــه ساعه ورحلك

    تــگـــطَّع جســـمك الطاهر ورحلك

    تـــوزع شـــمله مـــا بـين آل اميه

    * * * * *

    خطاب العقيلة زينب لاخيها العباس (عليه السلام)

    الــگــلب بـــالعزم صبــرته ومنته

    وفرشته اعله الترب يـــمك ومنته

    منته الكـافــــــل ظعـــوني ومنـــته

    الجبتني وياك ليـــش اگــطعت بيه

    * * *

    اهمومي هموم فوگ الگلب منتل

    وســــبّاح الـــدلـــيل إعــليك منــتل

    گـــوم ارجــعــنه يـــا عباس منـتل

    جبــتــــنه ويــاك لـرض الغاضريه

    * * *

    الـــدهر شتـــت شـــملنه بالظعينه

    ودلـــيــلي سيـــوف اميه بالظعينه

    وســافه الــشــمر يحدي بالضعينه

    وابـــو فــاضـل عــلى الغبره رميه

    * * *

    يعــــباس اســتــمع عـتب ولا ماي

    غـــريــبه وزادت ابفگدك ولا ماي

    مهــجــنه بالعـطش تلهب ولا ماي

    يخـــمد جـــمر لــوعتــــنه السريه

    * * *

    عن لسان حال الصابرة ام البنين (عليها السلام)

    الـــليالي ما اصــدلهن ولا عــــون

    دعـتني لا ضمد عندي ولا عــــون

    لا عـــباس لا جعــــفر ولا عــــون

    ولا عثـــمــان كـــلها اگــطـعت بيه

    * * *

    خطاب زينب لأخيها الحسين (عليه السلام)

    يـــبو الـــسـجاد گلي شصار وجره

    أهــيّــس نــار حـــدر الظـلع وجره

    يگـــلــها الطفـــل دمـه سال وجره

    رضـــيــع وفــطــمته سـهام المنيه

    * * *

    عن لسان حال ام كلثوم في غربتها

    رهــــيــف العــسر لظلوعي حدبها

    وشبيه الگوس والحـــاجب حـدبها

    الظعاين عگـــب حـــاديها حدبـــها

    الشمـــر وايـشومر ابسوط الرزيه

    * * *

    لسان حال الامام زين العابدين (عليه السلام)

    اون ونحـــب وانـوحن وحن ويهاه

    على الراح وچـــبـدتي ابنار ويهاه

    الي والد شــبــيــه البـــدر ويـــهاه

    الـبـدر عجـــبه ايــتوسد عــالوطيه

    * * *

    في شجاعة مسلم بن عقيل (عليه السلام)

    بـــنه بـــيت العـــزم سيفه وحيفاه

    عجيد ويدوي بالـكـــوفه وحيــــفاه

    اخـــذ مـــن الخــصم حگـه وحيفاه

    وغـفـت عــينه على سروج المنيه

    * * *

    خطاب سكينه بنت الحسين (عليه السلام) مع عمها العباس (عليه السلام)

    لســـاني يلـهج باسمك ورديت

    وعساني مثـــلك اتوذر ورديت

    اجيـتك للنهر انحــب ورديـــت

    خفــــت لــن النهر يشتمت بيه

    * * *

    خطاب الرباب لولدها عبد الله الرضيع

    ضمـــيري ابكعـــبة المحنه يطفلي

    ومهجتي من تشـــب دمعي يطفلي

    آنـــه امـــك واهـــز مهــدك يطفلي

    نســـيـت امصـــوب ابـسهم المنيه

    * * *

    خطاب رمله لولدها القاسم بن الحسن (عليه السلام)

    يجـاسم يـــبني حيلي عليك دمعاي

    ودلـــيلي بــالنحب والـنوح دمعاي

    اشلون اصبر وانشّف سيل دمعاي

    وشفـــت دمــك يسيل اعله الوطيه

    * * *

    خطاب ليلى لولدها علي الأكبر (عليه السلام)

    راســـي علـيك يالاكبر يشبلاي

    وجمر فگـــدك ابدلالي يشبلاي

    لوين أبعدت عــن امك يشبلاي

    وعفتني بالغـرب واگطعت بيه

    * * *

    خطاب الطفلة العليلة لدار الاهل والاحبة بعد الفراق

    الفـــلك مـــا يعتدل بالعكس يا دار

    ولا ينشف دمـــع عــيـــناي يا دار

    يــــدار الاهـــل اهــلـچ وين يا دار

    گـــولـــي ولا تــخــليها خـــفــــــيه

    * * *

    جواب الدار لها

    يــــهالتنشد عـن اهلي وين ماوين

    تعنّوا كـــربـــله والظـــعن مــاوين

    اشـــتــظن گـلبي عليهم ابد ماوين

    يون وينوح كـــل صــبح ومـــسيه

    * * *

    خطاب الطفلة حميدة مع والدها مسلم بن عقيل (عليه السلام)

    زمـانــي عگـب عينك سلمتني

    او راحـــات النــوايب سلمتني

    رحــت عــدمن يـبويه سلمتني

    يــتــيمه ويـا شهم وصيت بيه

    الشاعر احمد الناصري

    عدد المساهمات : 2
    تاريخ التسجيل : 03/07/2011

    وفقت لكل خير

    مُساهمة  الشاعر احمد الناصري في الأحد يوليو 03, 2011 8:45 am

    السلام عليكم في البدء اقبلوني خادما لمحمد وال محمد
    احسنت اخي على هذا الاختيار الجميل جعله الله في ميزان حسناتك

    حسافه اجدام عد الكفر خطيت
    وانا اسم العقيدة بروح خطيت
    زينب والصعاب اهواي خطيت
    وسفه انسبي بمجلس آل اميه

      الوقت/التاريخ الآن هو الخميس سبتمبر 21, 2017 8:36 pm