منتدى حسيني @ السلام عليك يا ابا عبد الله الحسين @ منتدى حسيني


    الى ابا الفضل العباس (ع) ياشهكة قصيدة

    شاطر

    الشاعر احمد الناصري

    عدد المساهمات : 2
    تاريخ التسجيل : 03/07/2011

    الى ابا الفضل العباس (ع) ياشهكة قصيدة

    مُساهمة  الشاعر احمد الناصري في الأحد يوليو 03, 2011 8:54 am

    بسم الله الرحمن الرحيم


    شهكة قصيدة

    راية حسين بيضة وشالها العــــــــباس
    على راسه الشريف انلفت اعمامه
    صح من راسه طاحت هوت فوك الكاع
    بس يمته هوت من طاحت الهامه
    بيمن ابتدي وبيك البدايـــــــــــــة تحير
    يالكلك بداية بوصــــــــــفك محير
    ياشهكة قصيدة انكتبت بلا خــــــــوف
    هزت عرش ضـــــالم جان يتجبر
    من ام البنين انـــــــــــــــولدت الكلمات
    بس كل الحـروف انختمت بحيدر
    بطن امك حقيقة اتحولت عاشـــــــــــور
    بدت بيها الطفوف اتصور المنظر
    سمعت صوت زينب صاحـــــــــت العباس
    لا تروي العطاشى ارجوك بس احضر
    ياغيرة علي والزهرة خلف البــــــــاب
    ارجع لا ضلعها بدفعة يتكـــــــــسر
    صوت اعلع الشريعة يكله شوف الماي
    عطشت والحـــــرم تسكيها ما تكدر
    لف سيفه نطـــــــاق وجفه صار السيف
    يسطر والركاب تطير مــــن يسطر
    نعامة العدو بس راسه مــــــــــــا شالاه
    تستره الكــــــاع منه يخاف يطشر
    على كــــــــــــــد الفرات توزع العباس
    حط بالماي ايـــــــده انشال ما قصر
    ركض راد الشفايف تختم اعلـــه الماي
    ذكر عطش الحسين انتفض بس كبر
    ما نزل جربته وذلـــــــــــــــها يم الماي
    هوه الماي بيها من الرعب خضر
    نادوا بالطفوف اليحب يطي جــــــــفوف
    ضريبة اعله اليحب حسين يتطبر
    تبرع بالجفوف وما نزع الزنــــــــــــود
    اذا صارت ضريبة اعله الزند يكدر
    اخوة وثبتت تاريخها باصــــــــــــــــرار
    والتاريخ يـــــــــــمها بلا فكر كوطر
    خدر زينب علم واحتمت بيه الكـــــــــاع
    والزهره تشوفه العلم من ينـــــــــطر
    بس ما طاح ربك فصلاه تفصـــــــــــال
    على كدهن تشكك ستر الخـــــــــــــدر

    الشاعر
    احمد عبد اليمة الناصري

      الوقت/التاريخ الآن هو الخميس سبتمبر 21, 2017 8:35 pm